Мэдээж боломжтой. Бид багш болон багш бус мэргэжилтэй салбар салбарын манлайлагч залуусыг хайж байгаа бөгөөд мэргэжлийн байгууллагатай хамтран таны бакалаврын зэрэгт үндэслэн дүйцүүлэлт хийж тохирох хичээлийн чиглэлээр багшийн хөрвөх хөтөлбөрт үнэ төлбөргүй хамруулах болно.

Хөтөлбөрт хамрагдахын тулд та бакалаврын зэрэгтэй байх шаардлагатай бөгөөд үүнд салбар хамаарахгүй. Хамгийн гол нь та боловсролын хүртээмжтэй байдлыг нэмэгдүүлж, өөрчлөлтийн нэг хэсэг байж өөрийгөө сорих, нийгэмдээ эерэг өөрчлөлт бий болгох чин хүсэл эрмэлзэлтэй байхад л болно.

Байхгүй

Сонгон шалгаруулалт нь үндсэн 2 хэсгээс бүрдэх бөгөөд нийлбэр оноо болон ганцаарчилсан ярилцлагад тулгуурлан эцсийн хариу гарах болно. I шат : Онлайн өргөдөл болон эсээ II шат: Багаар ажиллах, кейс дасгал III шат : Ганцаарчилсан ярилцлага

Болно. Гэхдээ хөтөлбөрт 2 дахь жилдээ материалаа ирүүлсэн гэдэг нь шалгаруулалтын явцад таньд ямар нэг давуу байдал үүсгэхгүй болно.

Хөтөлбөрийн материал хүлээн авах хугацаа хаагдсанаас (III/31) хойш 1 сарын хугацаанд явагдана.

Харамсалтай нь үгүй. Teach for Mongolia нь Дэлхийн 62 оронд салбартай Teach for All олон улсын холбооны албан ёсны гишүүн бөгөөд бүх салбар орнуудад энэхүү хөтөлбөр нь ижилхэн 2 жилийн хугацаатай зохион байгуулагддаг. Аливаа өөрчлөлт шинэчлэлтийг бий болгоход тодорхой хугацаа, золиос шаардагддаг бөгөөд олон улсын туршлагаар 2 жил нь хөтөлбөрийн залууст тухайн орон нутагт дасан зохицох, асуудлуудыг таньж мэдэн шийдэл бий болгоход тохиромжтой хугацаа юм. Хэдий 2 жилийн хугацаа зарим хүний хувьд урт санагдаж болох ч бид карьераа урт хугацаагаар харвал энэ 2 жил таны хувьд өөрийгөө тал бүрээр сорьж хөгжүүлсэн, нийгэмдээ бодитой эерэг нөлөөлөл, үр дүнг бий болгосон асар үр бүтээлтэй аялал байх болно.

Teach for Mongolia хөтөлбөрт багш болон багш бус мэргэжилтэй, өмнө нь орон нутагт амьдарч үзээгүй залуус хамрагддаг. Иймээс тэдгээр залууст хөтөлбөрийн гол зорилго, зорьж буй үр дүн багшлах суурь онол, арга зүй, дадлага, манлайллын ур чадвар, хувь хүний хөгжил, бие махбодын болон сэтгэл зүйн эрүүл мэнд болон хөдөө орон нутагт дасан зохицох, тухайн орон нутагт нөлөөлөл бий болгох зэрэг шаардлагатай бүх төрлийн мэдээллийг богино хугацаанд олгодог эрчимжүүлсэн сургалт юм.

Зуны хөтөлбөр нь 4-6 долоо хоногийн турш зохион байгуулагддаг бөгөөд хөтөлбөрт шалгарсан оролцогч уг сургалтанд бүрэн хамрагдах шаардлагатай.

Таны ерөнхий мэдлэг болон бакалаврын зэрэг эзэмшсэн мэргэжилтэй уялдуулан ямар хичээл заах болон ямар хичээлийн багшаар хөрвөх хөтөлбөрт хамрагдахыг мэргэжлийн байгууллагатай хамтран тодорхойлно. (Жишээ нь: Мэдээлэл технологийн инженер - Мэдээлэл зүйн багш, Эдийн засагч - Математикийн багш, Социологич-Нийгмийн ухааны багш г.м)

Тийм. Хөтөлбөрт оролцогч нь томилогдсон орон нутгийн сургуультай хөдөлмөрийн гэрээ байгуулж багшийн суурь цалингаар цалинжих болно. Үүнээс гадна та орон нутгийн нэмэгдэл, ур чадварын болон бусад нэмэгдэл, урамшууллыг зохих журмын дагуу авах боломжтой.

Бид илгээлтээр очиж буй сургуулиас манай хөтөлбөрийн оролцогчдод шаардлагатай заавар, зөвлөгөөг өгч хамтран ажиллах боломжтой зөвлөх багшийг томилуулах бөгөөд Teach for Mongolia-ийн зүгээс шинэлэг хичээл заах арга зүй болон бусад шаардлагатай сургалтуудыг сар бүр тогтмол зохион байгуулах болно. Мөн та хөтөлбөрийн 2 жилийн хугацаанд цахимаар багш мэргэжлийн хөрвөх хөтөлбөрт хамрагдаж шаардлагатай онол, арга зүйн мэдлэгийг эзэмших болно.

ЕБС-ийн дунд, ахлах буюу 6-12 дугаар ангийн сурагчдад хичээл орох болно.

Бидний гол зорилго нь багшийн орон тоон дутагдалтай орон нутагт, тэр дундаа сумдын хүүхдүүдэд хүрч ажиллах тул бид хувь хүний хүсэл сонирхлоос илүүтэй багшийн орон тоон дутагдлын мэдээлэлд үндэслэн хуваарилалтаа хийдэг.

Бид “Buddy system” буюу нэг нэгэндээ тус дэм болон багаар ажиллуулах зорилгоор 2 эсвэл 3 оролцогчийг нэг баг болгон тухайн орон нутагт буюу нэг сургуульд хамт илгээдэг.

Тийм. Хөтөлбөрт оролцогчийн амьдрах байрыг тухайн орон нутгийн сургууль болон орон нутгийн удирдлага хариуцан зохицуулж өгнө.

Бид хөдөө орон нутаг тэр дундаа сумдуудад чиглэн үйл ажиллагаа явуулдаг тул тухайн орон нутгийн нөхцөл байдлаас хамааран таны байрлах байр янз бүр байхыг анхаарна уу. (Жнь: Дотуур байр, байшин, Монгол гэр, орон сууц г.м)

Тийм. Бид хөтөлбөрийн оролцогчидтойгоо холбогдох журам /хүүхдийн эрхийг хамгаалах г.м/ болон талуудын эрх, үүргийг тусгасан гэрээ/Offer letter-г байгуулдаг. Үүнээс гадна тухайн орон нутгийн хамтарч ажиллаж буй сургууль болон Боловсролын ерөнхий газартай дөрвөлсөн гэрээг байгуулж хамтын ажиллагааны хүрээ, талуудын эрх, үүргийг тодорхойлдог.